Roedd y rhan fwyaf o ddiwydiant adeiladu llongau Aberteifi wedi ei leoli o amgylch Netpool. Ym 1839, dechreuodd Cyngor Tref Aberteifi godi tâl ar adeiladwyr llongau am ddefnyddio tir Corfforaethol gan rannu Netpool yn bum llain, a werthwyd mewn ocsiwn yn y Llew Du, Aberteifi, ar 8 Ebrill 1839.

Erbyn yr 1870au roedd tair iard adeiladu llongau yn Aberteifi, un ar bob ochr i'r gwaith nwy (wrth ymyl y tynfad yn y pellter), ac un arall gerllaw'r bythynnod yn Netpool. Does dim llawer o ôl adeiladu llongau yn y ffotograff hwn gan fod y diwydiant wedi dechrau dirywio erbyn diwedd y 19eg ganrif.

Ffynonellau:
J. Geraint Jenkins, Maritime Heritage: The Ships and Seamen of Southern Ceredigion (Llandysul, 1982)
W. J. Lewis, Gateway to Wales: A History of Cardigan (Caerfyrddin, 1990)