Mae'r siarter hon yn cadarnhau'r hawliau a ganiatawyd i fwrdeiswyr Abertawe o dan siarter Edward II, h.y. yr hawl i fynd a dod ar hyd y tir gyda'u nwyddau ar gyfer prynu, gwerthu a masnachu, a hynny heb dalu tollau, tramwy, pontreth, tâl stondin na threthi llwyth, ac eithrio yn Ninas Llundain. Y tystion oedd J. Bishop o Gaer-wynt, canghellor, W. Bishop o Norwich, trysorydd, John de Eltham, Iarll Cernyw, John de Warren, Iarll Surrey, William de Ros de Hamelak, William de Montacute a Ralph de Neville, stiward y tŷ brenhinol. Cyflwynwyd y siarter yn Westminster.