Mae’r erthygl hon ychydig yn gamarweiniol, oherwydd mae'n debyg fod Steven yn agos i 18 oed mewn gwirionedd yr adeg honno, yn hytrach na 14 fel y nodwyd. David Ansell Jones oedd Capten y Clwb yn nhymor 1978-79, sy’n ein harwain i gredu fod Steven wedi chwarae yn erbyn tîm chwedlonol Ysgolion Awstralia a deithiodd y DU ac Iwerddon y tymor blaenorol. Cwblhaodd y tîm hwn, yn cynnwys y brodyr eiconig (Gary, Glen a Mark Ella) ymysg eraill, y daith â record 100%, gan sgorio 110 cais ac ildio chwech! Nid yw’n syndod, efallai, i ddysgu fod Ysgolion Gogledd Cymru wedi colli o 66-0 yn Llandudno.