Adeiladwyd y 'Kidlonian' yn Glasgow ym 1869 ac roedd yn pwyso 650 tunnell. Perchennog y llong oedd W. B. Jones o Abertawe.

Daeth y llong â lwc dda i'r Capten John Jones o rif 5 Ffordd y Gogledd, pan fu'n gapten arni ym 1885. Yn ystod y flwyddyn honno, gerllaw yr Horn, un o'r mannau mwyaf stormus yn y byd, aeth i gynorthwyo criw'r 'Inchape Rock'. Roedd capten y llong honno, Capten Armour, a phedwar aelod o'r criw wedi cael eu hysgubo i'r môr dros fwrdd y llong. Aeth Jones a dau aelod o'i griw mewn cwch gan fentro'u bywydau yn y moroedd stormus er mwyn mynd ar fwrdd yr 'Inchape Rock'. Roeddynt yn cario offer morwrol hefyd gan fod offer yr 'Inchape Rock' wedi cael eu hysgubo i'r môr. Wrth ddychwelyd i'r 'Kildonian' bu bron i'w cwch gael ei ysgubo i'r dŵr, ond llwyddasant i gyrraedd y llong yn ddiogel. Derbyniodd Capten Jones wobr o £191 am ei ddewrder.

Ffynhonnell: 'Aberayron 1971 Exhibition of Paintings of Sailing Ships and Ships Equipment by Gwilym M. Jones' (Catalog Arddangosfa)