Mae angen eich cymorth chi!A ydych yn rhan o un o’r lluniau? A ydych yn nabod rhai o’r bobl yn y lluniau? A ydych yn nabod y cystadlaethau? Pwy enillodd? Pa hwyl cafodd y cystadleuwyr yn y lluniau?Os ‘ydw’ yw’ eich ateb i unrhyw un o’r cwestiynau yma pam na cymerwch y cyfle i rannu eich atgofion yn y sylwadau o dan y delweddau? Ni’n edrych ymlaen at glywed wrthoch chi bobl Cymru! Wrth baratoi negyddion Geoff Charles ar gyfer ei digido fel rhan o brosiect European Libraries [http://www.llgc.org.uk/index.php?id=5728&L=1] fe ddaeth staff yn y Llyfrgell Genedlaethol ar draws set o oddeutu 500 o ffotograffau o Eisteddfod Genedlaethol 1972 yn Hwlffordd. Doedden nhw heb weld golau dydd ers 40 mlynedd ac maent wedi rhyddhau tua ugain o'r lluniau ar wefan Casgliad y Werin, ac yn gofyn am eich help chi i'w adnabod.