Ganwyd Alfred Baines yng Nglyndyfrdwy ar 4 Mai 1889 ac fe weithiodd mewn chwarel lechi lleol cyn ymuno â'r Welsh Guards yn Wrecsam ar 31 Mai 1915. Fe'i danfonwyd i Ffrainc gyda Bataliwn cyntaf y gatrawd ym mis Medi 1915, gan fod yn rhan o frwydr Loos. Arhosodd gyda'r Bataliwn cyntaf tan fis Mawrth 1918 pan drosglwyddodd i'r Guards Machine Gun Regiment. Cafodd ei ddadfyddino ym mis Chwefror 1919, a bu fyw yn Wrecsam cyn iddo farw ym 1959.