Y Coroni, yr Arwisgiad ac Aberfan yw testun sgwrs y cyfwelai hwn. Mae'n cofio gwylio'r Coroni mewn neuadd bentref a'r ffaith bod hyn yn rhywbeth cymdeithasol prin yn fwynhad pur i blentyn oedd yn cael ei magu ar fferm anghysbell. Sonia am weld yr Arwisgiad - a'r delweddau sy'n aros yn ei chof erbyn hyn yw het y Frenhines a chadeiriau coch y gwesteion. Wrth drafod Aberfan mae'n son iddi weld y delweddau a codi ei phlentyn bach o'r crud a'i magu, gan deimlo y medrai ddianc gyda'r baban petai rywbeth tebyg yn bwrw ei chartref hi. Yn sgil teledu teimlai Aberfan mor agos er ei bod hi yn byw bryd hynny yn Sir Benfro.