Kim Howells
Mae'r cyfwelai yma'n dwyn i gof y rhaglenni arswyd cynharaf iddo weld fel plentyn, a'r pwysau i ymateb mewn modd gwrywaidd iddynt. Mae'n son am drychineb Aberfan ac iddo roi cweir i rywun a feiddiodd wneud joc am y trychineb. Trafodir y ddau Refferendwm ar Ddatganoli a'r newid a fu yn ymateb y Cymry rhwng y naill a'r llall. O drafod Streic y Glowyr mae'n nodi gwrthwynebiad glowyr De Cymru i ddod allan ar streic, ond iddynt, er hynny, gefnogi penderfyniad yr NUM a streicio. Mae'n trafod defnydd y ddwy ochr o'r cyfryngau a sut roedd y Llywodraeth yn gwella yn ei defnydd o'r cyfryngau wrth i'r misoedd fynd heibio. Ond y ddelwedd o'r streic fydd yn aros gydag ef yw'r bore yr aeth y glowyr yn ol i'r gwaith ym mhwll y Maerdy.
