Mae'r cyfwelai yma'n trafod elfen gymdeithasol teledu cynnar. Dewisodd drafod dau achlysur Brenhinol hefyd- sef Coroni'r Frenhines Elizabeth ac Arwisgiad y Tywysog Charles. Wrth hel atgofion am y Coroni mae'n cofio ochr gymdeithasol yr achlysur a chofio gweld ffilm o'r seremoni yn y sinema. Mae'n son am ei ymwybyddiaeth o wrthwynebiad i'r Arwisgiad a'i farn am y Frenhiniaeth. Wrth gofio trychineb Aberfan mae'n cyfeirio at rol y Prif Weinidog a Chadeirydd y Bwrdd Glo a'r helynt a gododd wrth i lawer o'r arian a godwyd i helpu'r teuluoedd gael ei ddefnyddio i glirio'r llanast. Wrth drafod y rhaglenni teledu sydd wedi cael yr effaith bennaf arno mae'n son am angladd y Frenhines Wilhelmina a rhaglenni plant.