Steep Holm
Ynys fechan ym Môr Hafren oddi ar arfordir de Cymru yw Steep Holm (neu weithiau 'Ynys Ronech'). Er nad yw pobl wedi byw ar yr ynys ers y 1920au, erbyn heddiw mae'n safle pwysig ar gyfer natur a chadwraeth. Yn 1150 sefydlwyd Priordy Awstinaidd Sant Mihangel ac wrth i'r fasnach bysgota dyfu, yn y bedwaredd ganrif ar bymtheg, adeiladwyd gwesty a thafarn. O'r cyfnod Fictoraidd ymlaen daeth yr ynys yn fwyfwy caerog gyda chyflwyniad chwe safle gwn. Yn yr Ail Rhyfel Byd, cafodd byst chwilolau, safleoedd lansiwr rocedi a batris gynnau mawr eu adeiladu. Yn 1976, prynwyd yr ynys gan Ymddiriedolaeth Goffa Kenneth Allsop gyda'r nod o gadwraeth. Heddiw, nodir yr ynys fel gwarchodfa natur a safle o ddiddordeb gwyddonol arbennig. Mae'r ynys yn cael ei chynnal gan wirfoddolwyr, gydag ymwelwyr yn gallu ymweld rhwng Ebrill a Hydref pob blwyddyn.
