Gwelwn yn y casgliad hwn o tua 1905 bod Martin Ridley wedi cymryd lluniau o nifer o olygfeydd diwydiannol ar hyd a lled de Cymru, o ddociau yn y Bari a Chaerdydd, i lofeydd yn Abertyleri. Tredegar Newydd a Glyn Ebwy. Roedd hwn yn gyfnod pan welwyd twf aruthrol yn y diwydiannau trymion yng Nghymru ac mae byd gwaith y Cymry ar ddechrau'r ugeinfed ganrif yn rhywbeth sy'n mynd a bryd y ffotograffydd masnachol hwn. O ddiddordeb arbennig yw'r ffotograff yn y casgliad hwn o weithwyr cocos Penclawdd yn aros yng ngorsaf Penclawdd wedi diwrnod o waith.