Gwyn Thomas
Yn ystod ei amser gyda'r lluoedd arfog y gwelodd y cyfwelai hwn deledu am y tro cyntaf. Gorfu iddo aros am gyfnod cyn medru gweld teledu yn ei gartref yng Nglynrhedynog oherwydd problemau gyda'r trosglwyddydd. Cofia weld Coroni Elizabeth II yn y clwb Llafur lleol ac mae'n cofio'n arbennig gweld Brenhines Tonga. Sonia am Aberfan ac effaith gweld pobl yn cloddio am y plant. Trafodir darlledu Rygbi, y chwaraewyr blaenllaw ac effaith llwyddiant ar y cae ar y gymdeithas, yn arbennig ar greu diddordeb ymhlith merched. Cofia am noson lansio S4C, am y broliant o safon yr hyn oedd i ddod ac am yr eironi o lansio'r sianel gyda chart?n Super Ted. O ran Streic y Glowyr mae'n cynnig bod y criwiau teledu wedi annog trais weithiau er mwyn cael stori ac mae'n amau bod teledu wedi dewis pobl od ar fwriad i siarad o blaid y glowyr er mwyn creu argraff anffodus.
