Sesiynau Cymorth Galw Heibio Ar-lein

Disgrifiad

Ydych chi am ddefnyddio Casgliad y Werin yn amlach i addysgu, ond angen cymorth? Archebwch sesiwn gefnogaeth rithiol 1 wrth 1 am ddim heddiw!

I Athrawon ac Addysgwyr

Mae Casgliad y Werin yn dathlu hanes, diwylliant a phobl Cymru. Mae'n adnodd gwerthfawr o ddeunyddiau perthnasol lleol all helpu disgyblion i ddarganfod eu treftadaeth a datblygu dealltwriaeth o'u cynefin. 

Gall disgyblion:

• Chwilio am gynnwys
• Uwchlwytho eu cynnwys eu hunain
• Datblygu sgiliau digidol
• Cyflawni anghenion y Fframwaith Cymhwysedd Digidol

Pa gynnwys ydych chi wedi'i greu gyda'ch dosbarth allwch chi ei gyfrannu a'i rannu gyda Chymru a'r byd?

I bartneriaid treftadaeth gan gynnwys amgueddfeydd, llyfrgelloedd a grwpiau cymunedol

Gall cyhoeddi cynnwys ar Casgliad y Werin Cymru helpu i roi llwyfan i waith eich sefydliad neu eich project. Gallwn ni eich helpu i gyhoeddi cynnwys a chyraedd cynulleidfaoedd addusgiadol. Gallwn ni hefyd helpu i ddigido a hyrwyddo eich cynnwys.

Gallwch chi:

• Chwilio am gynnwys
• Uwchlwytho eich cynnwys eich hun
• Hyrwyddo eich gwaith ac arwain defnyddwyr i’ch gwefan/project/digwyddiad
• Creu a chyhoeddi deunydd addysgiadol
• Rhoi eich cynnwys ar Hwb, platfform addysgu digidol Llywodraeth Cymru, a chyrraedd athrawon ac addysgwyr drwy Gymru

Archebwch sesiwn gymorth 1 wrth 1 hanner awr gyda Swyddog Addysg Casgliad y Werin, Catalena Angele.

Cynhelir sesiynau ar Microsoft Teams a chânt eu teilwra i'ch anghenion. Gall y sesiynau gynnwys:

• Taith rithiol o gynnwys Casgliad y Werin a'r Adran Addysg
• Sut i greu cyfrif a dechrau cyfrannu
• Hawliau digidol – sut all ein cynnwys gael ei ddefnyddio at ddibenion gwahanol
• Ble i weld ein cynnwys ar Hwb
• Unrhyw beth arall!

Amser y sesiynau: Llun a Gwener, 3.30-4pm a 4.15-4.45pm

Os yw cwrdd ar amser gwahanol yn haws, neu os oes gennych chi unrhyw gwestiynau, anfonwch e-bost at [email protected]

Cwricwlwm i Gymru 2022

Y Dyniaethau, Fframwaith cymhwysedd digidol

Y Cyfnod Sylfaen

Gwybodaeth a dealltwriaeth o'r byd

Cyfnod Allweddol 2-4

Hanes

Dysgu Gydol Oes

Mae'r adnodd hwn yn cynnig cyfleoedd ar gyfer datblygiad personol neu broffesiynol.