Mae John wedi derbyn llythyr yn dweud fod Owen (ei frawd) yn wael ac mae'n gobeithio ei fod yn well erbyn hyn.
Mae John yn mynd ati i ddisgrifio eu taith ddiweddaraf gan ddweud eu bod wedi cychwyn o New Orleans ar y pedwerydd o'r mis ac wedi mynd yn y 'cars' i Brasier City. Cychwynasant o'r fan honno ar y seithfed o'r mis gan gerdded deunaw milltir drwy gors fawr ar y diwrnod cyntaf. Bu rhaid i John deithio pedair milltir ar bymtheg ar yr ail ddiwrnod , un ar hugain milltir drwy'r paith ar y trydydd diwrnod, a thri deg milltir ar y bedwaredd diwrnod. Mae'n disgwyl teithio can milltir eto cyn gweld unrhyw wrthryfelwyr. Dywed John ei fod yn teimlo'n well pan yn ymdeithio na phan yn gwersylla. Ar hyn o bryd maent yn gwersylla yn agos i Vermillionville ac mae 'n disgwyl aros yno am ddiwrnod neu ddau.