Brian Walters
Atgofion cynharaf o deledu i’r cyfwelai hwn oedd gweld gwlad bellennig a’r newyddion am saethu J F Kennedy. Sonir am effaith teledu ar gymdeithas, a’r dynfa i aros ar yr aelwyd fin nos yn sgil dyfodiad teledu. Trafoda effaith gweld rhaglenni comedi ar ei fywyd. Sonir am rygbi ac effaith ennill a cholli ar gymdeithas. Cofia am streic y glowyr a’r frwydr rhwng Arthur Scargill a Margaret Thatcher – un am ddymchwel y llywodraeth a’r llall am dorri crib yr undebau. Sonir am yr Arwisgiad a’r Clwb Ffermwyr Ifanc yn mabwysiadu’r thema ar gyfer cystadleuaeth, ac ymgais y Tywysog i ddysgu Cymraeg.
